上海闲话 过去・现在・未来——绪论第1节 了解上海闲话之前侬应该晓得个方言分类

尽管讲，迭节视频的内容么网高头翻翻侪寻得着的，我觉着还是有得必要伊整理成一个视频，来方便对上海闲话没加了解的诸君快速入门。

上海闲话

    上海闲话作为一门现代汉语方言，属于汉藏语系-汉语族-吴语-太湖片，讲上海闲话个人么差勿多有得一千万，占吴语使用人数要有得百分之十横里，属于是吴语里向影响大来交关个一支。忒之粤语以广州闲话为正音弗一样，吴语呢所谓个“正音” 呒得一个，所以讲勿曾产生粤语迭能介大个影响，大概一亿二千万人讲粤语。但是拉到吴语忒之粤语迭只维度，一亿对一亿二千万，还是在一个体量高头个。也是因此，吴语作为世界上使用人数最多个非官方语言。忒之吴语一样，上海闲话保留了完整个浊音，入声字合并，双唇鼻韵尾脱落，也弗是像常熟迭种少数有得翘舌音个地方。本生四声八韵齐全，清末以后阳声日渐合并。

      闲话虽然迭能介讲，上海闲话使用人数弗断下降，也是事实。总体来讲，上海闲话产生于天国变乱，发展于清末，影响极盛于战前，衰退于上世纪八十年代，又在当下有了复兴个苗头。迭个也是本视频写作个头势。

其他汉方言

      讲好兹上海闲话自身，接下来我伲来讲上海闲话忒之其他语言个关系。我伲已经晓得，上海闲话属于吴语，而全国有得十大方言区，侪受到汉语族个影响分别是官话区，吴语区，闽语区，粤语区，湘语区，赣语区，客家区，平话区，徽语区帮晋语区。其中，后三种畀承认个相对较少，但由于伊拉个方言依旧有得异于其他地区个特点，所以也拿出来单独比较。去脱迭眼之外，日文，朝鲜文，越南文个音读字也受古汉语影响，因此我也拿来比较。

      在迭眼方言之中，李方桂在《中国的语言和方言》一篇文章里，按音响个特点，把汉语分成几个类：

其他语族语言

      但是，假使讲侬讲，只受到汉语族个影响，个么侬就大错特错了。实际上向，在先秦时代，古越语在南方，只要侬弗是荆楚地区侪普遍使用个啦，在语言分类向，伊拉侪属于壮侗语族，因此，我伲还要研究状语，侗语等兄弟民族语言。

      听上去像是洪水猛兽能解个物事，不过呢，搿点研究我已经搭㑚做好了，㑚只需要理解以上我讲个搿张地图就赛过学会了迭一节个内容。