上海闲话 过去・现在・未来——绪论第2节 了解上海闲话之前侬应该晓得个发音方法

 在上一节里向，伲已经讨论过，在上海方言里向，有得交交关关搭其他方言个关系，搿么迭节课，伲就来讲讲上海言话里向个声韵。

现代汉语声母

我伲晓得，在现代汉语里向，声母一搨括子有得22只，去脱零声母分别如下：

检查现在汉语个拼音方案我伲可以晓得：在现在现代汉语当中只有得四个浊声母，剩下来个声母侪是清声母。所以在上海言话里向只要是浊音就对应了阳声调只要是清音就对应了阴声调。

因此，上海言话里向还有得交关普通闲话里向呒没个声母，尤其是阳声母只好去古代汉语里向寻，在唐末李涪看来，《切韵》代表吴音，吴音是指当时金陵、苏州一代的方音。

三十字母

我伲好发觉：在《切韵》里向，分作以下几部分:

在搿张表格个第三第四特之第六条，就是上海言话里向个阳声韵。但是，随着时代个变化有点声母已经脱落特了，还有点声母跟现在个汉字个字已经对弗上了。因此，我伲需要对搿张表格重新规划规划，调成一张适合上海闲话的声母表。

上海闲话声母表

通过对高头伊张表格个调整，我伲好得到张新个上海闲话声母表

但是这个表格里向空格多来交关，我伲像日语五十音图一样，拿对应个音补进去，顺大便拿清浊对立个声母侪调成功普通言话里向一色势样个声母，零声母像普通闲话里向一样勿写：

相信对于大部分方言区个人来讲，能够清爽个发出浊音来，弗是一桩容易个事体。但是，我相信对于大部分听众来讲英文还是侪学过个。葛末伲就用英文来寻一寻搿眼音应该哪能介发。

首先是p ph b，伲寻着三个单词：spear pair bear , 拿搿能介三个音连熟了就好非常容易个寻着p ph b个发音，同样，fan，van，嘴唇皮勿要碰上就是（f v）；steer tear deer（t th d）；see，z（字母）（s z）；scarf，car，guard（k kh g）；etc，yet（h gh/y）。

c ch j却弗大好寻，多受普通言话影响而读成/tɕ/、/tɕʰ/、/dʑ/，但正派上海闲话舌头顶牢个地方更靠后，与日母字一样。要寻着搿只音，伲首先好寻yes个y（/j/）然后保持舌头勿动，憋一口气，从舌头高头冲出去，就是c。再像前头练习p ph b一样，就好寻着c ch j ；假使气从鼻头里向冲出去，就是gn；假使舌头跟天花板当中留条缝，气从当中慢慢较送出去，就是sh。

韵母

讲好声母，我伲来讲韵母， 上海言话个韵母系统相对来讲比较复杂，我伲要用到国际音标（IPA）：

可以看到，在搿张图片高头，右半爿是圆唇音，左半爿是非圆唇音。在其中，还有得点上海言话里向弗讲个字。我伲拿伊去脱之后，加上“子”个韵母[ɿ]，再拿圆唇音分开，就是搿能介样子：

有了搿张图就好看了交关，我伲拿难写个国际音标归归类，调成拉丁字母，就好有得：

上海言话里向，韵母有得三种样子：单元音，鼻音韵尾n，塞音韵尾q，其中，除脱ao，剩下来个侪好当单元音用，除脱a，au，eu，y，u，oe侪好当鼻音韵尾用，除脱i，u，iu，eu，au，y侪好当塞音韵尾用。像新华字典能介整理韵母表就好得到： 

可以看到，上海闲话个韵母还是相当规律个，并且，除脱单用个辰光，介音i跟iu互相排斥。因此，除脱iu iun以外，所有个iu侪好写成功i；a因为勿会出现在鼻音里向，aen也好简写成an

根据以上个规则，㑚就好对牢拼音表，拼出上海闲话来了。